Bugun sizlarga juda mazali bo’lgan eklerlarni tayyorlash videoretseptini taqdim etamiz. Bu pishiriqlarni avzalligi shundaki, ularni 3 kundan boshlab, germetik qadoqlarga solib, 3 oygacha muzlatgichda bemalol saqlash imkoniyatiga ega bo’lasiz.
Tayyorlaniladigan yegulikka taxminan 50 000 so’m sarflaniladi.*
*narxi manba chop etilgan vaqtgagina amal qilinadi.
Qozonga suv, sut, shakar, tuz va sariyog'ni solib, olovni balandlatamiz. Sariyog' to'liq eriganidan so'ng, olovni biroz pasaytirib, unni hammasini birdan solamiz va aralashma shar holatiga kelguniga qadar aralashtirib olamiz.
Xamirni bishqa idishga olib, aralashtiramiz va sal iliganidan so'ng, bitta-bitta tuxumni solib, yaxshilab aralashtirib olamiz.
Xamirga tuxum kamroq yoki ko'priq ketishi mumkin. Bu tuxumning katta yoki kichikligiga ham bog'liq. Xamir silliq, sal suyuqroq, ammo shaklini ushlab turadigan ko'rinishda bo'ladi.
Xamirni qandolatchilik qopchasiga solamzi, "yulduzcha" uchligini ulagan holda, pergament qog'oz to'shalgan patnisga uzunchoq shakllargi, 8 sm uzunlikdagi, 2 sm qalinlikdagi eklerlarni chiqarib olamiz.
Ularni 220 C darajada qizdirilgan gaz pechida 10 daqiqa pishirib, so'ng haroratni 180 C ga tushiramiz va yana 10-15 daqiqa davomida pishirib olamiz.
Krem tayyorlash
Agarda siz struchkali vanildan ishlatsangiz, unda undan quyidagicha foydalaning.
1. Ochish uchun vanil struchkasini toza va quruq taxtakachga qo'ying.
2. Uzunasiga pichoq bilan bir marotaba kesib chiqing.
3. Pichoqning o'rtasi bilan vanilni qirib oling.
4. Qirilgan vanil va struchkasini o'zini ham qaynayotgan sutg soling.
Muhim! Vanilinni ishni boshlagan vaqtgagina ochinh, undan oldin emas.
Sutni vanil va shakarning yarmini solgan holda 5 daqiqa qaynatib oling.
Alohida idishga shakar, un va tuxumni solib, silliq bo'lguniga qadar aralashtirib olamiz.
Ustidan issiq sutni solib, yaxshilab aralashtirib olamiz va qayta qozonga quyib, gazga qo'yamiz. Past olovda kovlab aralashtirib turamiz.
Quyuqlashgandan so'ng esa gazdan olib, sariyog'ni solib, erigunga qadar yaxshilab aralashtirib olamiz.
Kremni sovutib, ustiga yelim qog'ozni teggizib, yopamiz va bir soatga yoki bir kechaga sovutgichga olib qo'yamiz.
Kremni qandalotchilik qopchasiga solamiz, eklerlarning chetini teshib, kremni solib chiqamiz.
Shokoladni eritib, eklerlarni botirib olamiz va dasturxonga tortamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.m
Instagramdagi rasmiy sahifasi: @spice.expert
Facebookdagi rasmiy sahifasi: fb.com/spice.expert
Reklama huquqi asosida
Рекомендуем к просмотру:
